ЖАС ҰСТАЗДАР БАЙРАҚТЫ БӘСЕКЕДЕ

Қызылорда облысы, Қармақшы аудандық білім бөлімі және кәсіподақ комитетінің ұйымдастыруымен №284 ММЛИ базасында жас ұстаздар арасында бейбітшілік, бірлік, ұлтжандылық, отан сүйгіштік, патриоттық сезімдерін арттыру, алғашқы әскери және технологиялық дайындық пәні мұғалімдерінің әскери – қолданбалы спорт түрлері арқылы салауатты өмір салтын қалыптастыруды насихаттау, шеберліктерін шыңдау, ұстаздардың көшбасшылық қабілеттерін, ой ұшқырлығын арттыру мақсатында «Ұлы Отан соғысындағы Жеңістің 80 жылдығы» аясында «Патриотизм – ұлттық рухтың асқақ белгісі» тақырыбындағы жастар форумы болып өтті.

Жастар форумында ұстаздар 5 топқа бөлініп 1.«IQ дода» білімділер мен білгілер сайысы; 2. «Қайрат – қамал бұзады» сайысы бойынша жарысып, форум соңында «Ер ерлігін ел қолдайды» атты ауған соғысы ардагерімен кездесу болды. Ұстаздар ауған соғысы ардагері Жалмағанбетов Әбутәліп Нәбиұлына сұрақтар қойып, жақсы пікірлесу, әңгімелесу түрінде өрбіді. Форум соңында ән шырқалып белсенді жас ұстаздар марапатталды.