ЖАС КЕЛСЕ – ІСКЕ

Жас маман – білім мен тәрбиені қатар ұштастырып, шәкірт жүрегіне жол таба білетін, еңбегі мен ізденісі арқылы танылатын тұлға. Осындай талапшыл, шығармашыл ұстаздардың бірі – Гаухар Жұмабаева.

Гаухар Жұмабаева – өз ісіне үлкен жауапкершілікпен қарайтын, қоғамдық жұмыстарға белсене араласатын жас ұстаз. Білім саласында еңбек ете жүріп, облыстық және республикалық деңгейдегі түрлі байқаулар мен жобаларға қатысып, жетістіктерге жетіп келеді.

2014–2018 жылдары С. Аманжолов атындағы Шығыс Қазақстан мемлекеттік университетінде тарих мамандығы бойынша білім алып, оқу орнын қызыл дипломмен тәмамдады.

Қазіргі таңда Қызылорда облысы, Жалағаш ауданы, Бұқарбай батыр ауылындағы білім ордасында ұстаздық қызмет атқарып, жас ұрпаққа сапалы білім мен саналы тәрбие беріп келеді.

Жас ұстаздың жетістіктері:

– облыстық және аудандық байқаулардың жеңімпазы;

– «Менің Отаныма – менің бастамам» шығармашылық жобасы бойынша аудандық және облыстық кезеңдердің І орын иегері, республикалық кезеңге жолдама иегері;

– ҚР Парламенті Сенатының «Senat Open» ашық біріншілігі аясында өткен іріктеу турнирінде І орын иеленіп, Тараз қаласында өтетін келесі кезеңге жолдама алды;

– аудандық «Дарын» ғылыми жоба байқауының ІІ орын иегері;

– аудандық «Зерде» ғылыми жоба байқауының ІІІ орын иегері;

– «Дарынды оқушыға – талантты ұстаз» аудандық педагогикалық олимпиададан ІІІ орын иегері;

– «AMANAT» партиясы ұйымдастырған келіндер байқауының І орын иегері.

Сонымен қатар ғылыми жобаларға, түрлі қоғамдық жұмыстарға және облыстық, республикалық деңгейдегі байқауларға белсенді қатысып келеді. Шахматпен мектеп кезінен бері айналысып, бүгінде облыс намысын қорғап жүр.

Өз ісіне адал, үнемі ізденіс үстінде жүретін жас маман шәкірттеріне бағыт-бағдар беріп, олардың білім мен тәрбиеге деген қызығушылығын арттыру жолында еңбек етуде.

Гаухар Жұмабаева – «Жас келсе – іске» деген нақыл сөздің шынайы көрінісі.