ЖАС КЕЛСЕ – ІСКЕ
Еліміздің білім беру саласында жас та болса, іскерлігімен, жауапкершілігімен көзге түсіп жүрген жас басшылар аз емес. Солардың қатарында Ақтөбе облысы Ырғыз ауданы Қарасай негізгі орта мектебінің директоры Әділет Сәрсенғалиұлы да бар.
Әділет Сәрсенғалиұлы 2000 жылы Ақтөбе облысы Ырғыз ауданы Қарасай ауылында дүниеге келген. Білім жолындағы алғашқы қадамын педагог мамандығымен байланыстырып, ұстаздықты өмірлік таңдауы етті. 2015–2019 жылдары Ақтөбе Жоғарв гуманитарлық колледжінде «Математика мұғалімі» мамандығы бойынша білім алып, оқу орнын үздік аяқтады. Ал 2019–2022 жылдары Қ.Жұбанов атындағы Ақтөбе өңірлік мемлекеттік университетінде «Математика – Физика» мамандығы бойынша жоғары білімін жетілдірді.
Еңбек жолын 2019 жылы педагог ретінде бастап, аз уақыт ішінде өз ісіне деген жауапкершілігімен, ұйымдастырушылық қабілетімен ерекшеленді. 2021–2024 жылдар аралығында мектеп директорының оқу ісі жөніндегі орынбасары қызметін атқарып, оқу-тәрбие процесін жүйелі ұйымдастыруға, педагогтардың кәсіби әлеуетін арттыруға елеулі үлес қосты.
2025 жылдан бастап Қарасай негізгі орта мектебінің директоры қызметіне тағайындалды. Қазіргі таңда білім ордасын басқаруда заманауи талаптарға сай жұмыс жүргізіп, жас ұрпаққа сапалы білім мен саналы тәрбие беруді басты мақсат етіп отыр. Білім беру ұйымының басшысы ретінде «үшінші санаттағы басшы» біліктілік санатына ие.
Жас басшының табандылығы, кәсіби білімі мен жаңашыл көзқарасы мектептің алдағы даму бағытында маңызды рөл атқаратыны сөзсіз. «Жас келсе – іске» деген халық даналығының өміршеңдігін дәлелдеп келе жатқан Әділет Сәрсенғалиұлының еңбегі әріптестеріне де, жас мамандарға да үлгі болары анық.
Еліміздің білім беру саласында жас та болса, іскерлігімен, жауапкершілігімен көзге түсіп жүрген жас басшылар аз емес. Солардың қатарында Ақтөбе облысы Ырғыз ауданы Қарасай негізгі орта мектебінің директоры Әділет Сәрсенғалиұлы да бар.
Әділет Сәрсенғалиұлы 2000 жылы Ақтөбе облысы Ырғыз ауданы Қарасай ауылында дүниеге келген. Білім жолындағы алғашқы қадамын педагог мамандығымен байланыстырып, ұстаздықты өмірлік таңдауы етті. 2015–2019 жылдары Ақтөбе Жоғарв гуманитарлық колледжінде «Математика мұғалімі» мамандығы бойынша білім алып, оқу орнын үздік аяқтады. Ал 2019–2022 жылдары Қ.Жұбанов атындағы Ақтөбе өңірлік мемлекеттік университетінде «Математика – Физика» мамандығы бойынша жоғары білімін жетілдірді.
Еңбек жолын 2019 жылы педагог ретінде бастап, аз уақыт ішінде өз ісіне деген жауапкершілігімен, ұйымдастырушылық қабілетімен ерекшеленді. 2021–2024 жылдар аралығында мектеп директорының оқу ісі жөніндегі орынбасары қызметін атқарып, оқу-тәрбие процесін жүйелі ұйымдастыруға, педагогтардың кәсіби әлеуетін арттыруға елеулі үлес қосты.
2025 жылдан бастап Қарасай негізгі орта мектебінің директоры қызметіне тағайындалды. Қазіргі таңда білім ордасын басқаруда заманауи талаптарға сай жұмыс жүргізіп, жас ұрпаққа сапалы білім мен саналы тәрбие беруді басты мақсат етіп отыр. Білім беру ұйымының басшысы ретінде «үшінші санаттағы басшы» біліктілік санатына ие.
Жас басшының табандылығы, кәсіби білімі мен жаңашыл көзқарасы мектептің алдағы даму бағытында маңызды рөл атқаратыны сөзсіз. «Жас келсе – іске» деген халық даналығының өміршеңдігін дәлелдеп келе жатқан Әділет Сәрсенғалиұлының еңбегі әріптестеріне де, жас мамандарға да үлгі болары анық.