«ҮЗДІК ДЕНЕ ШЫНЫҚТЫРУ ПЕДАГОГЫ– 2025» РЕСПУБЛИКАЛЫҚ БАЙҚАУЫ БАСТАЛДЫ

Бүгін Щучинск қаласында «Балдәурен» республикалық оқу-сауықтыру орталығының базасында «Үздік дене шынықтыру педагогы – 2025» республикалық байқауы басталды.

Байқаудың мақсаты – дене шынықтыру педагогтарының шығармашылық бастамасын қолдау, кәсіби өсуге жәрдемдесу, педагогтардың еңбегінің беделін арттыру.

Байқауды Салалық кәсіподақ, ҚР Оқу-ағарту министрлігінің «Ұлттық ғылыми-практикалық орталығы» және «Балдәурен» республикалық оқу-сауықтыру орталығы бірлесіп ұйымдастыруда.

Байқаудың ашылу салтанатына «Балдәурен» РОСО РМҚК Бас директоры Ш.Оразалин, ҚР Оқу-ағарту министрлігінің “Ұлттық ғылыми-практикалық орталығы” РМҚК бас директорының орынбасары Н.Дрейт, Салалық кәсіподақтың Орталық комитеті аппаратының бас маманы А.Бітімбай қатысты.

Жалпы байқау үш кезең бойынша өткізіледі:

I кезең – «Креативті педагог»;

II кезең – «Заманауи дене шынықтыру сабағы»;

III кезең – «Үздік спорттық-бұқаралық іс-шара».

Байқауға еліміздің әр өңірінен дене шынықтыру пәнінің мұғалімдері қатысуда.

Қатысушыларға сәттілік тілейміз!