ҰСТАЗ БОЛУ - ЖҮРЕКТІҢ БАТЫРЛЫҒЫ

Бұл мамандық тек білім беру ғана емес, сонымен қатар болашақ ұрпақты тәрбиелеу, олардың жүрегіне білім мен мейірім ұялату деген сөз. Әр ұстаз жолы – әрдайым ұмтылыс, ізденіс және жаңашылдықтың нәтижесі.

Тинева Гулден Биялқызы педагог-зерттеуші, жоғары білімді, көп балалы ана. Еңбек жолын 2000 жылы Жаңаөзен қаласындағы №2 «Жанар» балабақшасында тәрбиеші болып бастап, қазіргі таңда осы Жаңаөзен қаласының №22 жалпы білім беретін мектепте бастауыш сынып мұғалімі қызметін атқарып келеді.

«Бастауыш сынып оқушыларымен жұмыс - үлкен бақыт. Оқушыларының көзіндегі шаттық, олардың жеңістері мен жетістіктері еңбегінің жемісі, менің мақтанышым. Олармен бірге жеткен жетістіктер - тек менің емес, барша ұстаздар қауымының еңбегі мен қолдауының нәтижесі», - дейді Гүлден Біләлқызы.

Жетістікке жету үшін әр оқушының жеке қабілеттерін ашып, оларды ынталандыру, қолдау ұстаздың басты міндеті. Келешекте балаларының үлкен жетістіктерге жеткенін көріп, осы жолда өз үлесін көргені әр ұстаздың ең үлкен қуанышы.

Ұстаздық жолында басты қағидасы - әр баланың мүмкіндіктері мен таланттарын толық ашып көрсету және оларға болашақта өз орнын табуға көмектесу. Әрқашан білім мен мейірімділік арқылы еліміздің жарқын болашағына үлес қосуды мақсат етеді. Мұғалім өзінің іскерлігімен, жан-жақты ізденімпаздылық, ұйымдастырушылық қабілеттерімен қоса, ұжымда өте сыйлы, мейірімді жан.

Адал еңбектің, тынымсыз ізденістердің нәтежесінде Гүлдан Биялқызының еңбегі түрлі марапаттармен еленді.

Р. Мұхашева,

Жаңаөзен қалалық филиалының төрағасы.