ШЕБЕРЛІК БАЙҚАУЫ ЖҰМЫСШЫ МАМАНДЫҚТАР ЖЫЛЫНА АРНАЛДЫ

Батыс Қазақстан облысы Білім басқармасының, оқу-ағарту, ғылым және жоғары білім қызметкерлері кәсіподағының, Атамекен Ұлттық кәсіпкерлер палатасының қолдауымен «Жұмысшы мамандықтар жылына» және Орал «Сервис» технологиялық колледжінің 65-жылдығына орай колледж базасында алғашқы рет облыстағы тігін саласындағы кәсіпорын жұмысшыларының арасында «Үздік тігінші» шеберлік байқауы өтті.

Байқаудың мақсаты - жұмысшы мамандықтарының имиджін ілгерілету, жұмыс берушілермен ынтымақтастықты кеңейту мақсатында жұмысшы мамандарды анықтау, қолдау болып табылады. Байқауға қатысушылар: Э.Абдулова– ЖК «Фирдаус» тігінші-пішушісі, А.Ерназарова– ЖК «Ерназарова» басшысы, А.Абдрахманова – ЖШС «Диана» Орал тігін фабрикасының тігіншісі, А.Қаликова - ЖК «Айна Халык» боссы, С.Вернигорова– «Мария Ханым» сән үйінің пішушісі А.Жұмақаева - ЖШС «Диана» Орал тігін фабрикасының тігіншісі.

Орындалған модульдер:

Бірінші күні:

1-модуль. Техникалық сурет салу

2-модуль. Макеттеу әдісі

3 - модуль. Шапан мен тақия құрастыру/модельдеу

Екінші күні:

4 - модуль. Шапан мен тақия тігу (кестелеуімен).

Байқаудың бас сарапшысы «Құзыреттілік орталығының» меңгерушісі Д.Жиналеева, сарапшылар: Орал «Сервис» технологиялық колледжінің «Тігін өндірісі және кимідерді үлгілеу» мамандығының арнайы пән оқытушысы И.Лукашова, өндірістік оқыту шебері Р.Сираева, Батыс Қазақстан мемлекеттік университетінің «Дизайн» кафедрасының оқытушысы Э.Файзуллина, «АЛМА»ЖК директоры А.Наурызғалиева, Сервис және жаңа технологиялар колледжінің өндірістік оқыту шебері М.Иманғалиева.

Байқау қорытындысы бойынша: I дәрежелі Дипломмен- А.Қаликова, II дәрежелі Дипломмен – С.Вернигорова, III дәрежелі Дипломмен – Э.Абдулова марапатталды.

Барлық қатысушыларға Атамекен Ұлттық кәсіпкерлер палатасы атынан Алғыс хат және Батыс Қазақстан облысы оқу-ағарту, ғылым және жоғары білім қызметкерлері кәсіподағы атынан бағалы сыйлықтар табыс етілді.