ШАБЫТҚА ТОЛЫ САЯХАТ: КӨЛСАЙ, ҚАЙЫҢДЫ, ШАРЫН

Қызылорда Облыстық кәсіподақ комитетінің ұйымдастыруымен бастау алған бұл жолғы бағытымыз Алматы облысы аумағында орналасқан Көлсай, Қайыңды көлдері мен Шарын шатқалында 100-ге жуық ұстаздың қатысуымен үш күндік танымдық-туристік сапар ұйымдастырылды.

Бұл бастама – кәсіподақ тарапынан ұстаздар қауымына көрсетілген қолдаудың, сондай-ақ олардың еңбегін бағалаудың бір көрінісі. Сапар барысында қатысушылар табиғаттың тамаша көріністерімен етене танысып, ерекше көңіл күйде уақыт өткізді.

Көлсай көлдері — көгілдір аспан мен жасыл орман үндестігі арқылы бейбіт тыныштықты сезіндіреді.  
Ал Қайыңды көлі — су астында сақталған орман көрінісімен көз тартса,   Шарын шатқалы — ғасырлар қойнауынан сыр шертетін табиғаттың таңғажайып туындысы десек артық етпес.

Табиғат аясында өткізілген бұл саяхат ұжымның ауызбіршілігін арттырып қана қоймай әріптестер арасындағы кәсіби қарым-қатынастың нығаюына ықпал етеді. 

Кәсіподақ бастамасымен жүзеге асып жатқан мұндай мазмұнды шаралар сала қызметкерлерінің еңбекке деген ынтасын арттырып, рухани серпіліс сыйлайтыны сөзсіз.