САЙРАМДА ЕҢБЕК АДАМДАРЫ МАРАПАТТАЛДЫ

Түркістан облысы, Сайрам ауданы білім бөлімінің №30 Ы.Алтынсарин атындағы жалпы білім беретін мектепте еңбек адамдарын ұлықтауға арналған салтанатты марапаттау рәсімі өтті. Шараны Түркістан облыстық ұйымының «Шапағат-педагог» білім қызметкерлері жергілікті кәсіподағы ұйымдастырды.

Шараны мектеп директоры С.Қансеитова мен бастауыш кәсіподақ ұйымының төрағасы А.Тұрлыбеков ашып, жұмысшы мамандардың мектеп өміріндегі маңызды рөліне ерекше тоқталды. Ұжымдағы еңбектің ұйымдасқан түрде жүруі, оқу ордасының тазалығы мен қауіпсіздігі, жайлы орта қалыптастыру — барлығы жұмысшы мамандардың жауапты қызметімен тығыз байланысты екенін атап өтті.

Еңбегімен көзге түскен мамандар Түркістан облыстық ұйымы және Түркістан облысы кәсіподақтар орталығы Құрмет грамотасы, Білім бөлімі атынан және «Шапағат-педагог» білім қызметкерлері жергілікті кәсіподағының Алғыс хатымен марапатталды.

Сонымен бірге кәсіподақ ұйымы тарапынан арнайы сыйлықтар табысталды.

Бұл марапаттау рәсімі – жұмысшы мамандарға деген құрметтің нақты көрінісі. Осындай шаралар еңбек адамдарының маңызын арттырып қана қоймай, ұжымда ынтымақ пен жауапкершіліктің нығаюына септігін тигізеді.

Еңбегі еленген мамандар — қоғамның дамуына өз үлесін қосып жүрген нағыз тірек тұлғалар.