Поздравление председателя Отраслевого профсоюза Айгуль Мукашевой с Днем знаний

ҚҰРМЕТТІ ӘРІПТЕСТЕР!
ҚЫМБАТТЫ АТА-АНАЛАР мен ОҚУШЫЛАР!

Қазақстандық оқу-ағарту, ғылым және жоғары білім қызметкерлері салалық кәсіподағының атынан Сіздерді білім күнімен және жаңа оқу жылының басталуымен шын жүректен құттықтаймын!

Білім – өркениеттің бастауы, адамзатты бақытқа жеткізер шамшырақ. Дана бабаларымыз «Оқусыз білім жоқ, білімсіз күнің жоқ» деп, білімді адам баласының сенімді серігіне, тағдырының тұғырына балаған. Білім күнінен бастау алған жаңа оқу жылы табысты, жемісті жыл болсын!

Биыл тәжірибелік қызметі оқу-ағарту, ғылым және жоғары білім саласы қызметкерлерінің тыныс-тіршілігімен тығыз байланысты Салалық кәсіподақтың құрылғанына - 100 жыл. Салалық ұйым ғасырлық белесінде өткен кезеңдегі табыстарына қорытынды жасап, келешекке міндеттерін айқындауда.
Біз қалыптасқан даңқты дәстүрлеріміз мен бірегей бірлігімізді бекемдей отырып, кәсіподақ мүшелерінің мүддесі мен игілігіне бағытталған жүйелі шараларды жүзеге асыруды жалғастырамыз.

Жаңа оқу-жылында баршаңызға жақсы көңіл-күй, шығармашылық шабыт, білім бәйгесінде жарқын жетістіктер тілеймін!
Әрдайым дендеріңіз сау, отбасыларыңыз аман, жүздеріңіз жарқын, мерейлеріңіз үстем болсын! 

Ізгі тілекпен,

Қазақстандық оқу-ағарту, ғылым және жоғары білім қызметкерлері салалық кәсіподағының төрағасы
Айгүл Мұқашева