Поздравление Председателя Отраслевого профсоюза Айгуль Мукашевой с Днем учителя

ҚАДІРЛІ ҰСТАЗДАР!

ҚҰРМЕТТІ ӘРІПТЕСТЕР!

Қазақстандық оқу-ағарту, ғылым және жоғары білім қызметкерлері салалық кәсіподағы атынан Сіздерді кәсіби төл мереке – Ұстаздар күнімен шын жүректен құттықтаймын!

«Ұстаз – бала жанының бағбаны». Жаһандану заманында жас жеткіншектерге ұлттық болмысымызды сақтай отырып, сапалы да саналы білім беру ұстаздардың еншісінде. Мемлекет басшысы биылғы Жолдауында үздік оқу бағдарламасы, заманауи мектептер, озық басқару жүйесі болса да, ұстаз білікті болмаса, оның бәрі бекер екенін атап өтіп, Сіздерге үлкен жауапкершілік жүктеді.

Бұл ретте, Президентіміз мұғалімдердің біліктілігін арттырып, әлеуметтік мәртебесін көтеруді де назардан тыс қалдырған жоқ.

Сіздердің игіліктеріңіз үшін мемлекет тарапынан жасалып жатқан қамқорлық пен қолдаудың арқасында білімдеріңізді жетілдіріп, жарқын жетістіктерге қол жеткізіп, жаңа белестерді бағындыруға тілектеспін!

Бәсекеге қабілетті, рухы мықты, сенімі күшті өскелең ұрпақ тәрбиелеу – жауапты міндет. Өздеріңізге жүктелген зор міндетті абыроймен атқарып, мәртебе биігінен көріне бергейсіздер!

Төл мерекеде баршаңызға шығармашылық шабыт, кәсіби жетістіктер мен бақ – береке тілеймін!

Құрметпен,

Қазақстандық оқу-ағарту, ғылым және жоғары білім

қызметкерлерінің салалық кәсіподағы төрағасы

Айгүл Мұқашева