ПАНФИЛОВ ФИЛИАЛЫ АТҚАРУ КОМИТЕТІНІҢ ОТЫРЫСЫН ӨТКІЗДІ

Бүгін «Оқу-ағарту, бюджеттік ұйымдар, ғылым және жоғары білім қызметкерлерінің «Жетісу» жергілікті кәсіподағы» қоғамдық бірлестігінің Панфилов аудандық филиалының жұмыс жоспарына сәйкес Атқару комитетінің отырысы өтті.

Атқару комитеті отырысының күн тәртібінде Білім беру ұйымдарындағы мұғалімдердің, басқа категориядағы қызметкерлер мен жұмысшылардың жұмыс режимінің дұрыс сақталуы, филиал жанынан құрылған «Жастар істері жөніндегі ұйымның» атқарған жұмыстары және «Крылов» , «А.Розыбакиев», «Елтінді батыр» атындағы орта мектептері мен «Арай», «Қарақат-ай» балабақшалары бастауыш кәсіподақ ұйымдарындағы бақылау–тексеру комиссиясы жұмыстарының барысы туралы есептері қаралды.

Отырыс барысында Атқару комитетінің мүшесі Сәулет Асанов баяндама жасап, білім беру ұйымдарында мұғалімдердің, басқа санаттағы қызметкерлер мен жұмысшылардың жұмыс режимін дұрыс сақтау – мекемедегі жұмыстың қалыпты әрі тиімді жүргізілуінің негізгі кепілі екенін атап өтті. Білім беру ұйымдарында еңбек тәртібін сақтау, жұмыс уақытының тиімді ұйымдастырылуы, қызметкерлердің өз міндеттерін уақытылы әрі сапалы орындауы оқу-тәрбие процесінің сапасына тікелей әсер ететінін жеткізді.

Еламан Сайранұлы өз сөзінде ұйымның негізгі мақсаты – жастардың белсенділігін арттыру, олардың қоғамдық жұмыстарға тартуды ұйымдастыру және жас мамандар арасында кәсіподақ қызметінің маңыздылығын түсіндіру жұмыстары да жүргізіліп келе жатқанын атап өтті.

Ал Крылов, А.Розыбакиев, Елтінді батыр атындағы орта мектептері мен «Арай», «Қарақат-ай» балабақшаларындағы бақылау-тексеру комиссиясы төрағаларының есептері тыңдалып, кәсіподақ жарнасының дұрыс жұмсалуына бақылау жүргізілгені айтылды.

Атқару комитетінің мүшелері күн тәртібінде қаралған мәселелер туралы өз ойларын ортаға салып, тиісті қаулыларды бірауыздан қабылдады.

Жетісу облысы, Панфилов аудандық филииалы