ӨЗ ІСІНІҢ ШЕБЕРІ

Тәрбиеші — баланың жүрегіне мейірім ұялатып, алғашқы қадамынан бастап дұрыс бағыт беретін тұлға. Осындай жауапты да абыройлы істі абыроймен атқарып жүрген мұғалжарлық мамандардың бірі — Есентурлина Раушангүл Оңғарбайқызы.

Есентурлина Раушангүл Оңғарбайқызы — 1976 жылы 3 қаңтарда Ақтөбе облысы Байғанин ауданы Алтай совхозында дүниеге келген. 1994–1998 жылдары Қ.Жұбанов атындағы Ақтөбе университетінде «Педагогика және мектепке дейінгі балалар психологиясы» мамандығы бойынша білім алған.

Еңбек жолын 2001–2004 жылдары Ақтөбе облысы Байғанин ауданындағы «Балдырған» балабақшасында тәрбиеші болып бастаған. 2009 жылдан бері Мұғалжар ауданындағы «Қарлығаш» бөбекжай-бақшасында тәрбиеші, педагог-зерттеуші ретінде қызмет атқарып келеді.

Жиырма жылдан астам тәжірибесі бар білікті маман өз ісіне адалдықпен қарап, бала бойына адамгершілік, ізгілік пен әдептілік қасиеттерін сіңіруге ерекше көңіл бөледі. Ұстамдылығы мен кәсібилігінің арқасында ата-аналар мен әріптестері арасында зор құрметке ие.

2019–2026 жылдар аралығында «OZATTAR» энциклопедиясында мақаласы жарияланып, республикалық және халықаралық байқаулардан І дәрежелі дипломдар, Алғыс хаттар мен Құрмет грамоталарын, сондай-ақ облыстық әдістемелік орталықтың марапаттарын иеленген.

Қорытындылай келе, Есентурлина Раушангүл Оңғарбайқызы — кәсіби білімі мен тәжірибесін ұштастыра білген, жас ұрпақ тәрбиесіне зор үлес қосып жүрген өз ісінің нағыз шебері.