МЕРЕЙТОЙ ИЕЛЕРІ ҚҰРМЕТ ТӨРІНДЕ

Қызылорда облысы, Жалағаш ауданының Руханият орталығында "Ардагерлерді ардақтайық" жобасы аясында мерейлі жасқа келген мерейтой иелерін ұлықтау шарасы өтті. 

Шараға аудан әкімінің орынбасары Ғ.Сүлейменов, аудандық ардагерлер кеңесінің төрағасв С.Әлиев, аудандық ардагерлер кеңесінің алқа мүшелері, бастауыш ардагерлер ұйымының төрағалары және аудандық білім саласы кәсіподағының төрағасы Г.Құрманбаева арнайы қатысып, ардақты аналарды мерейтойымен құттықтады. 

Кеңес дәуірінде балабақшада жұмыс жасап, бала тәрбиесіне, білім саласының дамуына өзіндік үлес қосқан Күлтешова Бибіжан ана бүгінде 90 жасқа толып отыр. 11 баланы өмірге әкеліп, қазіргі уақытта балаларының ортасында бақытқа бөленіп отырған қазынакеуде анамызға білім саласы кәсіподағы атынан арнайы құрмет көрсетіліп, сый-сияпат жасалды. 

Отбасының ғана емес елінің амандығын, әлемнің тыныштығын, аспанымыздың ашықтығын тілеген Қарияларымыз аман болсын!

Қызылорда облысы Жалағаш аудандық комитеті