КРУ им. А. БАЙТУРСЫНОВА - 85 ЛЕТ!

Бүгін Қостанай қаласындағы Ахмет Байтұрсынұлы атындағы Қостанай өңірлік университеті негізінде 85 жылдық мерекеге орай салтанатты мерекелік іс-шара өтуде. Шара Ахмет Байтұрсынұлы ескерткішіне гүл шоқтарын қоюдан басталып, университет жетістіктерінің көрмесі тамашаланды. Қостанай өңірлік университеті шығармашыл, талантты оқытушылары мен шәкірттерімен мақтанатын, қажырлы еңбектерінің арқасында республикада ғана емес, алыс жақын шетелдерге танымал киелі оқу ордаларының бірі.

Мерейтойға арналған салтанатты шарада университет ректоры С.Қуанышбаевқа Қазақстандық оқу-ағарту, ғылым және жоғары білім қызметкерлерінің салалық кәсіподағының төрағасы А.Мұқашеваның құттықтау хаты табысталды. Сондай-ақ, бастауыш кәсіподақ ұйымының төрағасы Н. Қасеновке кәсіподақ мүшелері үшін 20 санаторлық-курорттық жолдама сертификаты табыс етілді.

Ахмет Байтұрсынұлы атындағы Қостанай өңірлік университетінің ұжымына шығармашылық табыс, ерен жетістіктер тілейміз. Мерейтойларыңыз құтты болсын!