КӘСІПОДАҚ –БАЛАЛАРҒА!
Шығыс Қазақстан облысы Зайсан ауданы бойынша «Ю. Гагарин атындағы орта мектебі» КММ «Балдырған» жазғы сауықтыру алаңы ұйымдастырылып, 60 оқушы демалуда. Оның 16 -сы кәсіподақ мүшелерінің балалары.
Алаңда балалардың жазғы демалысын қызықты әрі пайдалы өткізуге барлық жағдай жасалған. Күнделікті таңғы жаттығулар, спорттық ойындар, түрлі үйірмелер мен шеберлік сыныптары ұйымдастырылып, балалардың шығармашылық қабілеттерін дамытуға бағытталған шаралар өткізіледі.
Алаңның тәрбиешілері мен жетекшілері балалардың қауіпсіздігін қамтамасыз етуге ерекше көңіл бөледі. Күнделікті дәрігерлік тексерулер жүргізіліп, санитарлық-гигиеналық талаптардың сақталуы қатаң қадағаланады. Балалардың дұрыс тамақтануы да назардан тыс қалмай, мәзірде тек пайдалы әрі дәмді тағамдар ұсынылады.
"Балдырған" жазғы сауықтыру алаңында балалар тек демалып қана қоймай, жаңа достар тауып, білімдерін толықтырып, шығармашылық қабілеттерін шыңдайды. Әр күн сайын жаңа әсерлер мен қызықты оқиғаларға толы алаң балалардың жадында ұзақ сақталары сөзсіз.
Кәсіподақ мүшелерінің балаларына арналған жеңілдіктер ата-аналарға үлкен қолдау болып табылады. Кәсіподақ ұйымының қолдауымен балалардың жазғы демалысын ұйымдастыру – әлеуметтік жауапкершіліктің айқын көрінісі.
Жазғы сауықтыру алаңының жұмысы алдағы уақытта да жалғасын тауып, өскелең ұрпақтың сапалы демалысын қамтамасыз етуге бағытталатын болады.
З.Мырамытова,
Зайсан ауданы бойынша «Ю. Гагарин атындағы орта мектебі» КММ бастауыш кәсіподақ ұйымының төрағасы