«KASIPODAK RUN» БІРЛІК ПЕН САЛАУАТТЫ ӨМІР САЛТЫН НАСИХАТТАДЫ
Бүгін, 29 қыркүйекте Каспий теңізі жағалауындағы «Амфитеатр» алаңында Салалық кәсіподақтың Маңғыстау облыстық ұйымы ұйымдастыруымен Қазақстандағы кәсіподақ қозғалысының 120 жылдығын мерекелеу аясында «KASIPODAK RUN» ынтымақтық жүгірісі өтті.
Бұл әртүрлі ұрпақтар арасында бірлік, ынтымақ және салауатты өмір сүру құндылықтарын насихаттауға бағытталған ауқымды спорттық-қоғамдық іс-шара. Жүгіру шарасының алғашқы құттықтау сөзімен Маңғыстау Кәсіподақтар орталығының төрағасы С.Бекғалиев және Маңғыстау облыстық кәсіподақ ұйымы төрағасы Т.Баймбетова шараны ашық деп жариялап, қатысушыларға сәттілік, жеңіс тіледі.
Жүгіріс шарты бойынша әйелдер 1 км ., ерлер 2 км. қашықтықта жүгірді. Нәтижесінде, мектеп мұғалімдерінің ынтымақтастық жүгірісінде әйелдер арасында ІІІ орынды Ақтау қаласы, №17 жалпы білім беретін мектептің дене тәрбиесінің мұғалімі Д.Аманғалиқызы , ІІ орынды Ақтау қаласы, №11 лицейдің ағылшын тілі пәні мұғалімі А.Асқарова, І орынға Ақтау қаласы, №31 жалпы білім беретін мектептің дене тәрбиесі мұғалімі Г.Еңсеп иеленді.
Мектеп мұғалімдерінің ынтымақтастық жүгірісінде ерлер арасында ІІІ орынды Мұнайлы ауданы №3 жалпы білім беретін мектептің мұғалімі А.Сатқанбаев, ІІ орынды Ақтау қаласындағы №31 жалпы білім беретін мектеп мұғалімі И.Сансызбай, І орынды №12 жалпы білім беретін мектеп мұғалімі Б.Әмірханұлы иеленді.
Облыстық білім беру мекемелерінің студенттерінің ынтымақтастық жүгірісінде қыздар арасында ІІІ орын Маңғыстау жоғары гуманитарлық колледжі студенті Ж.Аманқұл, ІІ орынды осы колледжден С.Батырова
иеленді. Облыстық білім беру мекемелерінің студенттерінің ынтымақтастық жүгірісінде ерлер арасында ІІІ орын Маңғыстау жоғары гуманитарлық колледжінің студенті Я.Коновалов, ІІ орынды Маңғыстау Туризм колледжінің студенті Г.Алексей , І орынды Маңғыстау Туризм колледжінің студенті М.Қайратұлы
иеленіп ақшалай сыйлықтармен арнайы дипломмен, Маңғыстау аумақтық бірлестігінің медальдарымен марапатталды.
Ұйымдастырушылар атынанТ.Баймбетова жеңімпаздарды құттықтады.
Маңғыстау облыстық ұйымы