ЕҢБЕК АДАМЫ

📚Кітапханашы – білім мен тәрбиенің алтын көпірі, жас ұрпақтың кітапқа деген қызығушылығын оятып, рухани дүниесін байытатын еңбек адамы.  Осындай жауапты да құрметті қызметті өмірінің мәніне айналдырған жандардың бірі – Алмаханова Лиза Ранқызы.

✔️Алмаханова Лиза Ранқызы — 1964 жылы 1 мамырда Ақтөбе облысы Әйтеке би ауданына қарасты Жаңадәуір ауылында дүниеге келген. 1972 жылы Қарабұтақ ауданындағы Талдық орта мектебінің 1-сыныбына қабылданып, 1980 жылы сегізжылдық білімін тәмамдайды. Білімін жалғастыру мақсатында Жабасақ орта мектебіне ауысып, 1982 жылы 10-сыныпты аяқтап шығады.

🖇️1983 жылы Ақтөбе қаласындағы бухгалтерлік курсқа түсіп, оны 1984 жылы сәтті аяқтайды. Еңбек жолын Қарабұтақ аудандық статистика бөлімінде оператор қызметінен бастап, кейін сол мекемеде экономист болып еңбек етеді. 1986 жылы отбасылық жағдайына байланысты Жабасақ ауылына қоныс аударып, ауылдық кітапханада кітапхана меңгерушісі қызметін атқарады.

📃2001–2007 жылдар аралығында аудандық электр желілері бөліміне қарасты Жабасақ ауылында кассир-бақылаушы болып жұмыс істейді. Ал 2008 жылдан бастап Т.Жүргенов атындағы орта мектепте кітапхана меңгерушісі қызметін абыроймен атқарып келеді.

📋Білімін жетілдіруді мақсат еткен ол 2010 жылы Ақтөбе гуманитарлық колледжіне оқуға түсіп, 2012 жылы «Кітапхана ісі» мамандығы бойынша диплом алып шығады. Бұл оның кәсіби шеберлігін арттырып, кітапхана саласындағы қызметін жаңа деңгейге көтеруге мүмкіндік береді.

📝Лиза Алмаханованың кітапхана ісіндегі еңбегі елеусіз қалған жоқ. Ол 2014 және 2023 жылдары Ақтөбе облыстық білім басқармасының «Құрмет грамотасымен» марапатталды. Сондай-ақ 2020 жылы Ақтөбе облыстық білім және ғылым қызметкерлері кәсіподақ ұйымының Алғыс хатын, 2021, 2024 және 2025 жылдары Әйтеке би аудандық білім қызметкерлері кәсіподағы ұйымының Алғыс хаттарын иеленді. 2022 жылы аудандық кәсіподақ тарапынан шипажайға жолдама сертификатына ие болды.

▪️Алмаханова Лиза Ранқызы – өз ісіне адал, еңбекқор жан. Ол кітапхана арқылы жас ұрпақтың білімге деген қызығушылығын арттырып, рухани дамуына үлес қосып келеді. Осындай еңбек адамдарының өнегелі жолы – кейінгі буынға үлгі, қоғам үшін үлкен құндылық.

Ақтөбе облыстық кәсіподақ ұйымы