ЕҢБЕК АДАМЫ

📖 Жанзақова Раушан Заруханқызы — 1967 жылдың 28 қазанында дүниеге келген. Ол білім мен мәдениет саласына өз өмірін арнаған білікті маман.

🎓 1983 жылы Ақтөбе облысы Алға ауданындағы В.И.Пацаев атындағы №2 мектепті тәмамдап, сол жылы Ақтөбе мәдени-ағарту училищесіне оқуға түседі. Аталған оқу орнын 1986 жылы сәтті аяқтап, еңбек жолын Алға қаласының орталықтандырылған кітапханасында кітапханашы болып бастайды.

🏫 2005 жылдан бастап №2 мектепте кітапханашы қызметін атқарып келеді. Осы жылдар ішінде ол жас ұрпақты білімге баулып, кітап оқуға деген қызығушылықтарын арттыруға зор үлес қосып келеді.

💡 Кітапхана жұмысындағы негізгі өзекті мәселесі – оқушыларды біліммен қаруландыра отырып, олардың шығармашылық қабілеттерін дамыту және саналы азамат болып қалыптасуына ықпал ету. Ол кітапты сарқылмас рухани қазына деп түсініп, білімнің негізгі көзі кітап екенін оқушыларға ұғындыруды басты мақсат етеді.

🎉 Осы бағытта кітапханада түрлі іс-шаралар ұйымдастырылып, оқушылардың кітапқа деген сүйіспеншілігін арттыруға ерекше көңіл бөлінеді. Раушан Жанзақованың еңбегі өскелең ұрпақтың рухани дамуына қосылған құнды үлес.

--
Ақтөбе облыстық кәсіподағы