ЕҢБЕК АДАМЫ

🌟 Имашева Жаңылдық Амангелдіқызы – өмірін білім мен руханият саласына арнаған тәжірибелі маман. Ол – ұзақ жылдар бойы жас ұрпақтың білімге деген қызығушылығын арттырып келе жатқан білікті кітапханашы.

👩‍🏫 Жаңылдық Имашева — 1965 жылдың 27 қазанында Ақтөбе облысы Қаратоғай ауылында дүниеге келген,  жоғары білім алған. Ол Ақтөбе қаласындағы Қ.Жұбанов атындағы мемлекеттік педагогикалық институтын тәмамдап, еңбек жолын білім беру саласынан бастаған.

📖 Оның жалпы еңбек өтілі 43 жылды құрайды, соның 28 жылы кітапхана саласына арналған. Қазіргі таңда ол Қаратоғай жалпы орта білім беретін мектебінде кітапханашы қызметін абыроймен атқарып келеді.

📚 Еңбек жолында ол кітапхана жұмысын жүйелі ұйымдастыруға, кітап қорын толықтыруға және сақтауға ерекше мән береді. Сонымен қатар ол оқушылардың рухани дамуына бағытталған түрлі іс-шараларды белсенді түрде ұйымдастырады. Кітап көрмелері, әдеби кештер, викториналар мен танымдық сабақтар өткізу арқылы балалардың шығармашылық қабілетін дамытуға үлес қосып келеді.

💡 Өз жұмысында «Кітап арқылы оқушылардың білімге деген ынтасын арттыру және олардың шығармашылық қабілетін дамыту» қағидасын ұстанады. Ол мектептің тәрбие жұмыстарына да белсене қатысып, «Балалар кітапханасы» жобасы аясында және түрлі мерекелік іс-шараларды жоғары деңгейде ұйымдастырады.
🏆 Кәсіби біліктілігін арттыру мақсатында аудандық және облыстық семинарларға тұрақты қатысып, тәжірибесімен бөлісіп келеді. Еңбегі еленіп, 2024 жылы аудандық білім бөлімінің Алғыс хатымен, ал 2025 жылы Кітапханашылар күніне орай тағы да марапатқа ие болды.
🌟 Жаңылдық Имашева – өз ісіне адал, еңбекқор әрі жас ұрпақтың рухани дамуына зор үлес қосып жүрген нағыз еңбек адамы.

--
Ақтөбе облыстық кәсіподағы