ЕКІ ЖАҚТЫ КЕЛІСІМГЕ ЕНГІЗІЛГЕН ӨЗГЕРІСТЕР МЕН ТОЛЫҚТЫРУЛАР

10 маусым күні әлеуметтік әріптестік іс-шара жоспарына сәйкес Қарақия ауданының мектепке дейінгі ұйымдары және жалпы білім беру мекемелері басшыларының арасында онлайн түрде, сонымен қатар Қабиболла Сыдиқов атындағы облыстық әмбебап кітапханасында Ақтау қаласының жалпы білім беру ұйымдары директорларының арасында облыстық семинарлар өтті.

Семинар тақырыбы – «Маңғыстау облысының білім басқармасы» мемлекеттік мекемесі мен «Қазақстандық оқу-ағарту, ғылым және жоғары білім қызметкерлерінің салалық кәсіптік одағының Маңғыстау облыстық ұйымы»  қоғамдық бірлестігі арасындағы 2023 - 2026 жылдарға арналған әлеуметтік әріптестік туралы келісімге енгізілген өзгерістер мен толықтырулар бойынша түсіндірме жұмыстары».

Семинар модераторлары: облыстық кәсіподақ ұйымының төрағасы Баймбетова Тарбия Анайбекқызы мен құқықтық қызметтер жөніндегі бас маман  Храмова Наталья Станиславовна болды.

Бірнеше қойылған түрлі сауалдарға толық нақты жауаптар берілді. Семинарға қатысушылар өз ризашылықтарын білдірді.

Маңғыстау облыстық кәсіподақ ұйымы.