БУРАБАЙ ТӨРІНДЕ – МАҢҒЫСТАУДЫҢ ЖАС ҰСТАЗДАРЫ!

22–26 маусым аралығында Бурабайдың көркем табиғат аясында өтіп жатқан «Жас ұстаздардың халықаралық жазғы лагері» жас педагогтердің кәсіби дамуына тың серпін беретін маңызды халықаралық алаңға айналды.

«Қазақстандық оқу-ағарту, ғылым және жоғары білім қызметкерлерінің салалық кәсіптік одағы» қоғамдық бірлестігінің бастамасымен ұйымдастырылған тағылымды шараға бес мемлекеттен келген жүзге жуық жас педагог қатысуда.

Маңғыстау облысының атынан қатысып отырған жас ұстаздарымыздың қатарында:

Бегімжан Асқаров – Х. Өзбекғалиев атындағы Маңғыстау жоғары политехникалық колледжінің арнайы пән оқытушысы;

Гүлнұр Кушанова – Маңғыстау туризм колледжінің арнайы пән оқытушысы;

Асқар Бақытжан – Жаңаөзен қаласындағы «Дарын» мектеп-лицейінің дене шынықтыру пәнінің мұғалімі;

Дариға Әбуғалиева – Бейнеу ауданындағы Ж. Қалдығараев атындағы жалпы білім беретін мектептің педагог-психологы.

Халықаралық лагерь – тәжірибе алмасудың, кәсіби шеберлікті шыңдаудың, көшбасшылық қабілеттерді дамытудың және халықаралық ынтымақтастықты нығайтудың тиімді алаңы.

Маңғыстау облыстық оқу-ағарту, ғылым және жоғары білім қызметкерлерінің кәсіптік одағы халықаралық деңгейде өңіріміздің білім беру әлеуетін лайықты таныстырып жүрген жас педагогтарға сәттілік, тың бастамалар, шығармашылық шабыт пен жаңа кәсіби жетістіктер тілейді.

Жас ұстаз – ел болашағының шамшырағы. Білім мен тәжірибе тоғысқан бұл кездесулер достық пен әріптестіктің жаңа белестеріне жол ашсын!

Маңғыстау облыстық ұйымы