БАЙҒАНИН АУДАНЫНДАҒЫ КӘСІПОДАҚ ЖҰМЫСЫ

👥 Байғанин аудандық білім қызметкерлері кәсіподақ ұйымының төрағасы Мұрат Жамаладин Баршақұм орта мектебі,  А.С.Пушкин орта мектебі, және Алтай батыр бөбекжай балабақшасы кәсіподақ ұйымының мүшелерімен кездесу өткізіп, аталған ұйымдарда қоғамдық бақылау жүргізді. Бұл кездесулер білім мекемелеріндегі қызметкерлердің еңбек жағдайлары, әлеуметтік кепілдіктері және кәсіподақ мүшелерінің құқықтары туралы маңызды сұрақтарды талқылау мақсатында ұйымдастырылды.

🏫 Кездесуде кәсіподақ төрағасы Мұрат Жамаладин еңбек қауіпсіздігі мен әлеуметтік қорғау мәселелері туралы сөз қозғады. Басқосу барысында қызметкерлер тарапынан сұрақтар қойылып, оларға жауаптар берілді. Атап айтқанда, еңбек демалысы, әлеуметтік қолдау және жұмыс жағдайларын жақсарту бойынша ұсыныстар қарастырылды. Төраға барлық қатысушылардың пікірлерін тыңдап, оларды ескеретінін атап өтті.

🤝 Мұрат Жамаладин кездесу барысында кәсіподақ ұйымының мүшелерін бірігуге, еңбек құқықтарын қорғауға және әртүрлі мәселелерді бірге шешуге шақырды. Әрбір қызметкердің пікіріне құлақ асып, өзара қолдау көрсету арқылы жұмыс орындарында тиімді жағдайлар жасауға болатындығын айтты.

🌟 Осылайша, Байғанин ауданында өткен кездесу еңбек қатынастары мен кәсіподақ жұмысының сапасын арттыруға ықпал етті.

--
Ақтөбе облыстық кәсіподағы