«АНТИ-ҚАУІП МИССИЯСЫ»: ЕҢБЕК ҚАУІПСІЗДІГІ ТРЕНИНГІ

Шығыс Қазақстан облысы Ұлан ауданы «Абай атындағы орта мектеп» КММ-де кәсіподақ белсенділерінің ұйымдастыруымен Дүниежүзілік еңбекті қорғау күніне орай «Anti-қауіп миссиясы» тақырыбында мектеп ұстаздары мен қамту қызметкерлеріне тренинг өткізілді.

Бұл шара еңбек қауіпсіздігі мен денсаулықты сақтаудың маңыздылығын арттыру мақсатында ұйымдастырылды. Тренингке мектеп ұжымының белсенді қатысуы, олардың кәсіби қызметіндегі қауіпсіздіктің маңыздылығына деген қызығушылығын көрсетті.

Тренинг барысында қатысушылардың психологиялық жағдайын жақсарту және стресстік жағдайлардан шығу жолдарын іздеуге бағытталған бірқатар қызықты жаттығулар орындалды. Солардың ішінде ерекше атап өтуге болатын «Менің автопортретім» арт-терапия жаттығуы болды. Бұл жаттығу әрбір қатысушыға өзінің ішкі әлемін, сезімдерін және алдағы мақсаттарын бейнелеуге мүмкіндік берді. Арт-терапия арқылы мұғалімдер мен қызметкерлер өздерін еркін сезініп, шығармашылық әлеуеттерін ашуға жол тапты.

Сонымен қатар, тренингте «Күлкілі кеңес» ойыны ойналды. Бұл ойын қатысушылардың көңілін көтеріп, позитивті энергиямен толтыруға арналды. Ойында әрбір қатысушы өзінің ойын-сауық қабілеттерін көрсетіп, бір-бірімен жақсы қарым-қатынас орнатуға ықпал етті.

Тренингтің қорытындысы бойынша, қатысушылардың еңбек қауіпсіздігі бойынша білімдері артты, сондай-ақ ұжымдағы достық пен өзара түсіністік нығайды. Бұл шара «Абай атындағы орта мектеп» КММ-де еңбек қауіпсіздігі мәдениетін қалыптастыру жолындағы маңызды қадам болды.

Шығыс Қазақстан облыстық ұйым

Ұлан ауданы кәсіподақ ұйымы