15 ақпан күні Салалық кәсіподақтың делегациясы “Türk Eğitim Sen” кәсіподағының шақыруымен Анкара қаласында “Türk Eğitim Sen” кәсіподағының 8 съезіне қатысты.
Съезд жұмысына Білім министрі Юсуф Текин, Еңбек және әлеуметтік қамсыздандыру экс-министрі Ведат Билгин, жоғары оқу орындарының ректорлары, шет елдік делегациялар қатысты.
Талип Гейлан Кәсіподақтың атқарған жұмысы туралы баяндап, алдағы уақыттағы міндеттерді атап шықты.
Білім министрі Юсуф Текин мырза Кәсіподақ жұмысына, әлеуметтік әріптестік дамуына жоғары баға беріп, кәсіподақ мүшесі екенін арнайы атап өтті.
Жарыссөзге қатысқан басқа әріптестер де кәсіподақ жұмысын жоғары бағалады.
Мен өз сөзімде съез делегаттары мен қонақтарын шараның басталуымен құттықтап, сәттілік тіледім. Екі елдің арасындағы ынтымақтастық, кәсіподақтардың достығы мен Түркітілдес елдердің білім кәсіподақтары бірлестігінің жұмысында тоқтап, делегаттар дұрыс таңдау жасайтынына сенім білдірдім. Әзірбайжан, Қырғызстан, Румыния, Косово, т.б. елдерден келген әріптестер өз сөздерінде съез жұмысына сәттілік тіледі.
Дауыс беру нәтижесі: Талип Гейлан бірауыздан келесі мерзімге сайланды! Салалық кәсіподақ төрағасы Айгүл Мұқашева Талип Гейланды төраға лауазымына сайлануымен құттықтады.
